Обвинителството бара максимална казна за Стојанче Јовановски – пресуда на 7 мај

Обвинителството бара максимална казна за Стојанче Јовановски, обвинет за три дела поврзани со семејно насилство врз сопругата Ивана. Случајот, според обвинителството, не е изолиран инцидент туку долготрајно физичко, психичко и економско насилство, кое траело околу седум години.

Иако Ивана повеќепати пријавувала насилство, пријавите ги повлекувала, најверојатно поради страв. Психијатриското вештачење покажало дека таа претходно била психички здрава, но под влијание на насилството развила траума и тешка психичка состојба.

Одбраната на Јовановски ги негира обвиненијата и тврди дека не ја поттикнал на самоубиство. Пресудата ќе биде објавена на 7 мај.